Digwyddiadau

Digwyddiadau a gweithreddau

Rydym ni’n cynnal gweithgareddau yn ein canolfan yn Rhuthun ac yn cynnal digwyddiadau allgymorth ar draws y sir.

DRYSAU AGORED

Clwb dan arweiniad gwirfoddolwyr yw Drysau Agored i ddatblygu sgiliau a chyfarfod pobl newydd. Mae’n cael ei arwain gan wirfoddolwyr ac mae ein drysau’n agored i bawb.

Cynhelir Drysau Agored bob dydd Gwener, 1-3pm, yn ein Canolfan Gwirfoddolwyr yng Nghanolfan Naylor Leyland, Stryd y Ffynnon, Rhuthun, LL15 1AF

Cliciwch yma i gael rhagor o wybodaeth

RHWYDWAITH TRYDYDD SECTOR #GWIRFODDOLWYRSIRDDINBYCH

Mae Rhwydwaith Trydydd Sector #GwirfoddolwyrSirDdinbych yn cyfarfod deirgwaith y flwyddyn yng Nghanolfan Naylor Leyland, Stryd y Ffynnon, Rhuthun, LL15 1AF, rhwng 10am a 11:30am.

Mae’r Rhwydwaith yn agored i bob mudiad trydydd sector, mentrau cymdeithasol a grwpiau cymunedol sy’n gweithredu yn Sir Ddinbych a gwirfoddolwyr sy’n ymwneud â’r mudiadau hyn.

Does dim rhaid i chi fod yn aelod o CGGSDd i gymryd rhan a sicrhau bod eich llais yn cael ei glywed, ond byddem ni wrth ein boddau petaech chi’n ymaelodi gyda ni

Cofrestrwch i fod yn bresennol yn y cyfarfod nesaf yma

Mae cylch gwaith y rhwydwaith i’w gweld yma

Mae’r agendâu yma

Mae’r diweddariadau yn dilyn y cyfarfodydd i’w gweld yma

WYTHNOS GWIRFODDOLWYR

Mae Wythnos Gwirfoddolwyr yn amser i ddweud diolch yn fawr iawn am y cyfraniad gwych mae gwirfoddolwyr yn ei wneud. Fe’i cynhelir rhwng 1 a 7 Mehefin bob blwyddyn.

Mae cannoedd o ddigwyddiadau a dathliadau’n cael eu cynnal ar draws y wlad yn ystod yr wythnos, i ddweud diolch yn fawr iawn wrth wirfoddolwyr a chydnabod eu cyfraniad amrywiol ac amhrisiadwy yn y Deyrnas Unedig.

Mae archif datganiadau i’r wasg dathliadau Wythnos Gwirfoddolwyr blaenorol i’w weld yma

Mae’r amserlen gweithgareddau o’n dathliadau Wythnos Gwirfoddolwyr diwethaf i’w gweld yma

Os oes gennych chi syniad ar gyfer gweithgaredd ar gyfer y dathliadau Wythnos Gwirfoddolwyr nesaf cysylltwch gyda ni yn engagement@dvsc.co.uk neu llenwch y ffurflen ar waelod y dudalen

WYTHNOS YMDDIRIEDOLWYR

Mae Wythnos Ymddiriedolwyr yn ddigwyddiad blynyddol a gynhelir ym mis Tachwedd bob blwyddyn i ganmol y gwaith rhagorol mae Ymddiriedolwyr yn ei wneud a thynnu sylw at y cyfleoedd i bobl o bob cefndir i gymryd rhan a gwneud gwahaniaeth.

Mae CGGSDd yn cynnal ac yn cymryd rhan mewn digwyddiadau trwy gydol yr wythnos

Mae archif datganiadau i’r wasg Wythnos Ymddiriedolwyr blaenorol i’w weld yma

Mae’r amserlen gweithgareddau Wythnos Ymddiriedolwyr fwyaf diweddar i’w gweld yma

Mae straeon Ymddiriedolwyr Sir Ddinbych ar gael yma

Os oes gennych chi syniad ar gyfer gweithgaredd ar gyfer yr Wythnos Ymddiriedolwyr nesaf cysylltwch gyda ni yn engagement@dvsc.co.uk neu llenwch y ffurflen ar waelod y dudalen

GWEITHGAREDDAU A DIGWYDDIADAU ERAILL

Mae CGGSDd yn cynnal ac yn cydlynu amrediad eang o weithgareddau yn cynnwys digwyddiadau allgymorth, gweithdai, cyfarfodydd rhwydwaith a sesiynau hyfforddiant